Shtetet e Bashkuara, Kanadaja, Belgjika dhe Komisioni Evropian e kanë ndaluar gjithashtu aplikacionin mes punonjësve.
Qeveria britanike ka ndaluar përdorimin e rrjetit social TikTok nga ministrat dhe nëpunësit civilë. Shtetet e Bashkuara, Kanadaja, Belgjika dhe Komisioni Evropian e kanë ndaluar gjithashtu aplikacionin mes punonjësve, shkruajnë mediat e huaja.
TikTok është në pronësi të ByteDance, një kompani kineze që e zhvendosi selinë e saj në Singapor në vitin 2020. Thirrjet për të ndaluar TikTok nga pajisjet qeveritare u shtuan pasi drejtori i FBI-së tha në nëntor se ai paraqet rrezik për sigurinë kombëtare. Sipas tij, qeveria kineze mund të shfrytëzojë aplikacionin për të ndikuar tek përdoruesit ose për të kontrolluar pajisjet e tyre.
