Ish-kapiteni i Kombëtares Shqiptare, Lorik Cana, gjatë mbrëmjes së djeshme ka postuar në llogarinë e tij privatë një fotografi, ku ka prezantuar “ish-të dashurën” pas 10 viteve.
Në postimin e tij, Cana shprehet se e kishte parë ish-in pas 10-vitesh dhe se aty kishte kuptuar se e kishte marrë malli për të.
“Dua të ndaj diçka speciale me ju sot. Pashë ish-in tim pas më shumë se 10 vitesh. E di sa e vështirë është ta them, mbase edhe e gabuar, por shumë kujtime dhe pasion më kthyen pas në kohë. Ajo është akoma shumë tërheqëse dhe një bukuroshe e vërtetë. Madje ka akoma një tatuazh me emrin tim. Shpresoj të të shoh një ditë. Më mungon”, shkroi Loriku në postimin e tij.
