Zyrtarët amerikanë dhe ukrainas u takuan për rreth katër orë bisedime në Florida, por sekretari i shtetit i SHBA-së, Marco Rubio, tha se mbetet ende punë për t’u bërë për t’i dhënë fund luftës. Ndërkohë, Rusia goditi përsëri Kievin në një sulm vdekjeprurës gjatë natës
Sekretari i shtetit i SHBA-së, Marco Rubio, tha se një takim midis zyrtarëve amerikanë dhe ukrainas në Florida ishte “shumë produktiv”, por mbetet ende shumë punë për t’u bërë drejt përfundimit të luftës së Rusisë në Ukrainë.
“Ka shumë aspekte të ndryshme dhe padyshim që këtu është e përfshirë edhe një palë tjetër që do të duhet të jetë pjesë e ekuacionit, dhe kjo do të vazhdojë më vonë këtë javë, kur [i dërguari special i Donald Trump, Steve] Witkoff të udhëtojë për në Moskë, megjithëse ne kemi qenë në kontakt në shkallë të ndryshme edhe me palën ruse, por kemi një kuptim mjaft të mirë të pikëpamjeve të tyre”, tha ai.
Zyrtarët amerikanë dhe ukrainas biseduan për afërsisht katër orë.
Më vonë këtë javë, i dërguari special i Trump, Witkoff, do të udhëtojë për në Moskë për t’u takuar me Vladimir Putinin.
