Sekretari amerikan i Shtetit, Antony Blinken i ka bërë thirrje Hamasit të pranojë një “armëpushim të menjëhershëm” me Izraelin, teksa bisedimet midis grupit militant dhe ndërmjetësve po zhvilloheshin në Kajro.
“Ka një mundësi për një armëpushim të menjëhershëm që mund të sjellë pengjet në shtëpi, që mund të rrisë në mënyrë dramatike sasinë e ndihmës humanitare për palestinezët që kanë nevojë për të, dhe më pas të vendosen kushtet për një zgjidhje të qëndrueshme,” tha Blinken gjatë një vizite nga kryeministri i Katarit në Uashington.
“I takon Hamasit të marrë vendimin nëse është i përgatitur të përfshihet në armëpushim,” tha ai.
“Është gjithashtu urgjente të shtohet ndihma humanitare që po u jep njerëzve brenda Gazës,” vazhdoi Blinken.
“Izraeli duhet të maksimizojë çdo mjet të mundshëm, çdo metodë të mundshme për të siguruar ndihmë për njerëzit që kanë nevojë”, theksoi ai.
“Ne do të vazhdojmë ta ushtrojmë presion çdo ditë sepse situata në këtë gjendje është thjesht e papranueshme,” përfundoi Blinken.
