Njëmbëdhjetë gazetarë palestinezë janë vrarë në Rripin e Gazës që nga fillimi i luftës midis Izraelit dhe Hamasit pas sulmit të 7 tetorit, tha Unioni i Gazetarëve Palestinez.
Në deklaratë, sindikata me bazë në Bregun Perëndimor tha gjithashtu se “20 gazetarë u plagosën nga sulmi izraelit” në Gaza.
Rreth 2,750 njerëz janë vrarë nga sulmet izraelite kundër enklavës palestineze.
Pesë shtetas kinezë të vdekur, Pekini ofron ndihmë urgjente humanitare për refugjatët palestinezë
Ministria e Jashtme e Kinës tha sot se pesë shtetas kinezë janë vrarë, dy janë të zhdukur dhe gjashtë janë plagosur në përleshjen mes Izraelit dhe Hamasit.
Aktualisht, fluturimet komerciale midis Kinës dhe Izraelit janë ende duke funksionuar, tha ministria.
Kina po ofron ndihmë urgjente humanitare për agjencinë e OKB-së për refugjatët UNRWA dhe Autoritetin Kombëtar Palestinez, njoftoi gjithashtu televizioni shtetëror kinez (CCTV).
