Dmitry Peskov, zëdhënësi i Presidentit rus, Vladimir Putin ka deklaruar se kreu i Kremlinit është i hapur për çdo kontakt që do të mundësonte arritjen e qëllimeve të “operacionit special ushtarak” përmes mjeteve paqësore, siç e quajti ai, por Perëndimi nuk e ofron një shans të tillë.
“Presidenti Putin ishte, është dhe do të jetë i hapur për çdo kontakt për të arritur qëllimet tona me mjete të tjera përveç një operacioni special ushtarak”, tha Peskov në një intervistë për televizionin Rusia 1.
Ai shtoi se vendet e Perëndimit nuk e ofrojnë një opsion të tillë në mënyrë kategorike dhe në unision.
