Prej kohësh, kemi raportuar se refugjatët e shohim Shqipërinë si ”rrugën e artë” të kalimit drejt vendeve të BE-së.

Çdo ditë gra, burra dhe fëmijë sirianë vijnë në orët e vona në Kukës dhe më pas marrin rrugën për t’u larguar natën nga pika kufitare e Morinit ilegalisht, raporton Koha Jonë.

Mësohet se sirianët vijnë me fugona dhe taksi, ndërkohë policia e Kukësit nuk jep informacion se çfarë do bëhet me këtë fluks të madh të sirianeve.

Nga ana tjetër, që në ditët e para të vitit, në Kukës janë arrestuar persona që tentojnë që të kalojnë ilegalisht refugjatë. Ministria e Brendshme dhe Policia e Shtetit, thonë se masat për të parandaluar këtë fluks janë marrë, por në realitet dhjetëra sirianë kalojnë lirisht në Kukës.