Eksperimenti për të mbjellë frutin e kivit në Lushnje, ka sjellë dështimin e fermerëve. Klima nuk është e favorshme për rritjen e frutit, ndaj përpjekjet e disa prodhuesve, kane qenë negative.
Një rast i tillë, tregohet nga një fermer i fshatit Skilaj.
Sami Nexha ka provuar të mbjellë kivin, një frut që askush nuk e ka kultivuar në këtë zonë.
Ideja lindi nga nevoja për konsum mjekësor, për sëmundjen e babait të tij, dhe me pas u kthye në produkt për të bërë tregti.
Prova që ai nisi 6 vjet më parë, sot nuk është në pritshmëritë e duhura.
Samiu tregon se, plantacioni me kivi, ndryshe nga pemët e tjera do shumë më tepër punë dhe se klima nuk ka qenë e duhura për zhvillimin e frutit.
Në vitin e parë të prodhimit të kivit, fermeri nga Skilaj u përball me konkurrencën në treg, jo vetëm në çmim por edhe në cilësi.
Sipas tij, që të shtoj sipërfaqet apo të shpenzoj më tepër në këtë kulture i duhet ndihma nga shteti, e cila deri tani i ka munguar.
“Krahasim me punën që kam bërë, nuk mbuloj dot shpenzimet që dhashë. Tregu është shumë i vështirë. Tregtarët marrim më shumë prodhimin që vjen nga jashtë pasi edhe kokrra është më e madhe se ajo e prodhimit vendas”shprehet ai.
Fermeri do të vazhdojë edhe disa vjet të punojë sipërfaqjen prej 2 dylymesh me kivi, përpara se të vendosë për ta shkulur.
Deri tani, klima e nxehtë e Lushnjes dhe toka në Skilaj nuk janë të përshtatshme për kultivimin e tij, ndaj dështimi është i sigurt.
Dështimi i këtij fermeri, mësoj shumë të tjerë, që të mos e kultivojnë kivin, por të këshillohen me specialistë përpara se të gjejnë farën që i duhet tokës.
