Xherdan Shaqiri do ta vazhdojë karrierën në Francë, te skuadra e Lyonit.
Mediumet angleze kanë raportuar të dielën mbrëma, se Lyoni tashmë ka arritur marrëveshje me Liverpoolin për transferimin e Shaqirit.
Bëhet e ditur se Lyoni, do të paguajë 11 milionë euro dëmshpërblim Liverpoolit për Shaqirin, i cili ka kohë që ka arritur marrëveshje personale me ekipin nga Franca.
Shaqiri me Lyonin do të firmosë kontratë pesëvjeçare dhe do të jetë lojtari më i paguar në klub me pagë mujore prej 350 mijë eurosh. Zyrtarizimi i Shaqirit te Lyoni, pritet të bëhet brenda pak ditëve.
Shaqiri 29-vjeçar, ishte pjesë e Liverpoolit prej vitit 2018 kurse karrierë ka bërë edhe te Stoke City, Interi, Bayern Munichu e Baseli.
