Klubi i Ligue 1 të Francës, Lyon është futur në garë për transferimin e qendërmbrojtësit shqiptar të Hellas Veronës, Marash Kumbulla, shkruan “L’Equipe”.
Mbrojtësi 20-vjeçar i Shqipërisë është duke u kërkuar nga shumë klube evropiane, ndërsa është raportuar se Interi është favorit për transferimin e tij. Mirëpo, Lyoni është futur në garë për transferimin e qendërmbrojtësit të talentuar.
Kumbulla është produkt i akademisë së Veronës, ndërsa ka kontratë me klubin e Serie A së Italisë deri në verën e vitit 2022.
Ai këtë edicion i ka luajtur 19 ndeshje në të gjitha garat dhe e ka shënuar një gol.