Ministri i Jashtëm i Gjermanisë, Heiko Maas, ka përshëndetur vendimin e Dhomës së Apelit në Tribunalin e Hagës për kriminelin e luftës Ratko Mladiq.
Dhoma e Apelit ka konfirmuar dënimin me burgim të përjetshëm të Mladiqit.
“Jam i lehtësuar për vendimin final të Gjykatës Ndërkombëtare Penale kundër Ratko Mladiqit, i cili mban përgjegjësi për gjenocidin në Srebrenicë. Mirë, që drejtësia ngadhënjeu. Shpresoj që kjo të sigurojë një lloj ngushëllimi për viktimat dhe të mbijetuarit”, ka shkruar ministri i Jashtëm i Gjermanisë, Heiko Maas në Twitter.
