Presidenti rus Vladimir Putin ka folur me telefon me presidentin francez Emmanuel Macron pasi Moska dërgoi trupa për të pushtuar fqinjin e saj properëndimor Ukrainën.
Mësohet se Putin i ka dhënë presidentit francez një shpjegim “shterues” të arsyeve të veprimeve të Rusisë në Ukrainë, thotë Kremlini.
Kremlini tha se thirrja u bë me iniciativën e Macron dhe ai dhe Putin ranë dakord të qëndronin në kontakt.
Macron deklaroi se i kërkoi Putinit të ndërpresë operacionet ushtarake.
Presidenti francez është përpjekur të shmangë pushtimin rus në javët e fundit, duke përfshirë edhe mbajtjen e bisedimeve me Putinin në Kremlin.
