Presidenti francez, Emmanuel Macron, ka thënë se rebelimi i shkurtër i udhëhequr nga Yevgeny Prigozhin tregon, siç u shpreh ai, brishtësinë e ushtrisë ruse.
Ai tha gjithashtu se justifikonte mbështetjen që Perëndimi i ka dhënë Ukrainës, shkruan Sky News.
“Situata vazhdon të evoluojë, por tregon ndarjet që ekzistojnë brenda kampit rus, brishtësinë e ushtrive dhe forcave të saj ndihmëse si Grupi Wagner”.
“E gjithë kjo duhet të na bëjë shumë vigjilentë dhe të justifikojë plotësisht mbështetjen që po u japim ukrainasve në rezistencën e tyre”, është shprehur ai.
