Liderët ushtarak në Mali kanë dëbuar ambasadorin francez për shkak të asaj që e quajnë komente të “neveritshme” të bëra nga Ministri i Jashtëm i Francës në lidhje me qeverinë e tranzicionit, raporton BBC.
Franca ka thënë se e ka ftuar ambasadorin Joel Meyer të kthehet. Meyerit i janë dhënë 72 orë të largohet.
Ministri i Jashtëm i Francës, Jean-Yves Le Drian javën e kaluar tha se liderët ushtarakë të Malit janë “jolegjitim” dhe “jashtë kontrollit”.
Fuqitë perëndimore janë të shqetësuara për rritjen e ndikimit të Rusisë në ish-kolninë franceze.
Moska raportohet se ka dërguar këshilltarë ushtarakë në javët e fundit për të ndihmuar forcat lokale të sigurisë në luftë kundër kryengritjeve të xhihadistëve. Në raportet e pakonfirmuara thuhet se qindra mercenarë rusë po operojnë në Mali.
