Deputeti Lefter Maliqi me anë të një statusi në “Facebook” ka shpërndarë një video, ku shfaqet së bashku me Lulzim Bashën në një tubim para 4 vitesh në Berat.
Maliqi shkruan kjo video e pritjes madhështore të kryeministrit të ardhshëm, Lulzim Basha, sot më shumë se kurrë, dëshmon se për fundin e rilindjes ka nisur numërimi mbrapsht.
Postimi i Maliqit në Facebook:
Edhe pak ka mbetur, për të përjetuar sërish, madje këtë herë shumëfish, padurimin e shqiptarëve për të votuar Opozitën e Bashkuar, si të vetmen mundësi për ta jetuar jetën aty ku e kanë lënë, 8 vite më parë. Kjo video e pritjes madhështore të kryeministrit të ardhshëm, Lulzim Basha, sot më shumë se kurrë, dëshmon se për fundin e rilindjes ka nisur numërimi mbrapshtë. Partia ime është populli!
