Arb Manaj ka qenë titullar te skuadra turke Bandirmaspor kundër Yeni Malatyasporit, në kuadër të Kupës së Turqisë. Por, Manaj ishte i pafat, pasi u lëndua dhe u largua nga ndeshja në minutën e 29-të.
Bandirmaspori shënoi fitore si mysafir i Yeni Malatyasporit me rezultatin 3:2 dhe kaloi në mesin e 16-të ekipeve më të mira.
“Kam pësuar lëndim në nyje dhe nuk kam mundur ta vazhdojë ndeshjen. Nuk bëhet fjalë për lëndim serioz. Në fund, e rëndësishme ishte që ekipi shënoi fitore dhe u kualifikuam në raundin tjetër”, tha Manaj për KOHËN.
Manaj ka shënuar pesë gola për Bandirmasporin në kuadër të Kupës së Turqisë dhe një në kampionat.
23-vjeçari nga Klina është i huazuar te Bandirmaspori nga skuadra e Keciurengucut.
