Manchester City dëshiron të ndërhyjë në merkaton e verës, duke bërë disa afrime cilësore.
Erling Haaland ishte nënshkrimi i parë për verën. Sulmuesi i Borussia Dortmund-it do të jetë në dispozicion të Pep Guardiola-s së shpejti.
Mirëpo merkato nuk ka përfunduar ende për City-n. Pesë lojtarë janë në listën e largimeve dhe katër në atë të afrimeve, sipas raportimeve të mediave britanike.
Oleksandr Zinchenko, Nathan Ake, Ilkay Gundogan, Raheem Sterling dhe Gabriel Jesus janë të gjithë me “valixhe në duar”.
Përsa i përkete afrimeve, City kërkon një mbrojtës të majtë, dy mesfushorë dhe një anësor sulmi.
Për krahun e majtë ndiqet me interes, Marc Cucurella, një nga zbulimet e sezonit në Premier League.
Në mesfushë largimi i Fernandinho-s do të shikojë Rodri-n të vetëm në atë rol. Ndaj duhet një përforcim i ri. Emrat janë Kalvin Phillips nga Leeds United dhe Declan Rice nga West Ham United.
Po ashtu dhe largimi i turko-gjermanit, Gundogan, do të lërë boshllëk në mesfushë. Guardiola synon që në vendin e tij të vijë njeri prej Frenkie de Jong dhe Nico Gonzalez. Të dy lojtarë të Barcelona-s.
Në sulm, largimi i Sterling pritet të zëvendësohet me Rafael Leao-n e Milan-it.
