Juristi Ylli Manjani ka folur këtë enjte në “Now me Erla Mëhillin” në Euronews Albania lidhur me shqyrtimin e praktikës së paraburgimit nga Gjykata e Lartë ditën e sotme. Manjani tha se ky është një vendim i vonuar dhe sipas tij nuk do të ndryshojë ndonjë gjë të madhe.
“Sa për informacion, çdo vendim i kolegjeve që është precedent për të ardhmen, jo për të shkuarën. Prandaj quhet vendim unifikues. Praktikën gjyqësore ti e vendos në shina të caktuara dhe në këto shina do duhet të ecë procesi në vijim. Ky është qëllimi i vendimit unifikues. Fakt është që kolegjet e bashkuara nuk e kanë bërë shpesh këtë gjë. Edhe për mendimin tim se kanë bërë detyrën. Gjykata e Lartë ka vetëm një mision, të ushtrojë praktikën gjyqësore. Pse u zgjodh ky rast? Mendoj që është pak “smart” ky rasti, se po të merrej rast politik do kishte ngarkesë politike. Gjykata e Lartë për mua është jashtë misionit kushtetues. Vetëm kaq dua t’ju them, nuk është vetëm vendimi i marrjes për arrestin, është gjithë procedura që çon te masa e arrestit. Mundet që të ndikohet nga praktika e re dhe në të drejtën penale ka një parim, ligji apo vendimi favorizues shkon në favor të të pandehurit. Nuk besoj se Gjykata e Lartë do e bëjë.”-tha Manjani.
