Në Maqedoninë e Veriut edhe sot vijon ora policore, e cila është në fuqi nga dita e djeshme në ora 11:00.
Ajo u vendos me qëllim të parandalimit të përhapjes së koronavirusit, sidomos në këtë periudhë të festës së Fitër Bajramit dhe të një feste shtetërore që është sot.
Qeveria vendosi një vendim të tillë si masë parandaluese, por që toleroi që gjatë ditës së djeshme të ketë lëvizje të qytetarëve deri në ora 11:00, për shkak të festës. Po ashtu u lejua edhe falja e namazit të Bajramit nëpër xhamitë e vendit, pasi që për një kërkesë dhe vendim të tillë nuk kishte hequr dorë Bashkësia Fetare Islame, njofton INA.
Kufizimi i lëvizjes së lirë do të vazhdojë deri nesër në orën 05:00 të mëngjesit. Në Maqedoninë e Veriut vijon gjendja e jashtëzakonshme dhe se në disa fundjava ishte aplikuar mbyllja e plotë e qytetarëve në karantinë.
