Në orën 07:00 ka filluar votimi në zgjedhjet e shtata lokale që nga pavarësia e vendit.
Votimi zhvillohet në 3.480 vendvotime, ku 1.824.864 qytetarë mund të ushtrojnë të drejtën e tyre për të votuar deri në orën 19:00.
Nga numri i përgjithshëm i votuesve, në certifikatat e Listës zgjedhore janë regjistruar 1.740.147. Në burimet speciale nga Lista e Votuesve, janë regjistruar 82 461 persona, të cilët punojnë përkohësisht ose qëndrojnë jashtë vendit, sipas evidencave të organit kompetent, 1.899 votues që vuajnë dënimin me burg ose janë në paraburgim ditën e zgjedhjeve: 351 persona në institucionet akomoduese jofamiljare dhe gjashtë votues të cilët, sipas regjistrave të Ministrisë së Punës dhe Politikës Sociale, janë regjistruar si persona të zhvendosur.
Për herë të parë këtë vit, votuesit do të identifikohen nga pajisjet biometrike të identifikimit të gjurmëve të gishtërinjve. Këto pajisje do të përmbajnë vetëm të dhënat personale të votuesve nga Lista e votuesve në vendvotim.
Përjashtim nga votimi me pajisje identifikuese biometrike janë njerëzit që votuan dje-të sëmurët, të pafuqishmit, njerëzit me Kovid-19 dhe në izolim, kërkesat e të cilëve u pranuan nga komisionet komunale zgjedhore. Dje ka në votuar gjithashtu edhe të burgosurit, të paraburgosurit, personat në azilet e pleqve dhe personat e zhvendosur brenda vendit.
