Thellimi i bashkëpunimit me Shtetet e Bashkuara dhe forcimi i prezencës së tyre është shumë i rëndësishëm në kontekstin e sfidave të sigurisë pas pushtimit rus në Ukrainë, tha sot ministri i Jashtëm Bujar Osmani, pas takimit me Karen Donfrid, Ndihmës Sekretaren e Shtetit të SHBA-së për Çështje Evropiane dhe Euroaziatike.
“Përshpejtimi i integrimeve evropiane është i rëndësishëm për Maqedoninë e Veriut, por edhe për të gjithë rajonin dhe partnerët e tij. “Është koha për të zhbllokuar pranimin në BE, për të miratuar kornizën negociuese dhe për të mbajtur konferencën e parë ndërqeveritare,” tha Оsmani duke iu referuar bllokadës për integrimet evropiane të vendit tonë.
Lajmi thelbësor nga takimi është dialogu i paraparë ndërmjet përfaqësuesve maqedonas dhe amerikanë, më 2 qershor në Uashington, ku temë kryesore do të jetë thellimi i partneritetit strategjik ndërmjet Maqedonisë së Veriut dhe SHBA-së.
