Mbi 500 pjesëmarrës nga mbi 25 vende të botës do të jenë pjesë e maratonës së Enkelanës duke e kthyer Pogradecin në qytetit pritës të një ngjarje të madhe sportive.
Gjithashtu bëhet e ditur se më 29 korrik kur mbahet edhe maratona do të ketë bllokime të përkohshëm të rrugës Lin-Pogradec.
“Këtu gjejmë rastin t’iu njoftojmë se 29 Korrik do të ketë një bllokim të përkohshëm të rrugës Lin-Pogradec nga ora 19:00-20:30 për shkak të kompeticionit sportiv. Ndërkohë për rastet e emergjencave gjatë kësaj fashe orari do të mundësohet lëvizja e ambulancës”, thuhet në njoftim.
Maratona Enkelana do të mbajë edicionin e saj të dytë në Pogradec në dy disiplina, 21 km Lin-Pogradec dhe 10km Pogradec-Buçimas-Pogradec.
