Sekretari amerikan i shtetit, Marco Rubio, shpalli 4 grupe europiane të ANTIFA si organizata terroriste. Ato ishin të lokalizuara me bazë në Gjermani, Itali dhe Greqi.
Vendosja e tyre në listën e zezë ka për të hyrë në fuqi javën e ardhshme. Kjo i vendos këto grupe në të njëjtën kategori me organizata terroriste si ISIS dhe Al-Shabaab.
Si rezultat, amerikanëve u ndalohet që ndërveprojnë me ato grupime apo t’i ofrojnë mbështetje.
Ky vendim ka ardhur fill pas shpalljes luftë ndaj lëvizjes ANTIFA nga presidenti amerikan Trump. Në shtator, Trump firmosi një urdhër ekzekutiv duke e përcaktuar atë si organizatë terroriste brenda SHBA-ve dhe kërkoi që autoritetet të ndërmarrin veprime kundër ANTIFA-s.
