Ministrja e Kulturës, Elva Margariti u takua sot, në ambientet e Ministrisë së Kulturës, me ministren e re të Kulturës, Rinisë dhe Sporteve të Kosovës, Vlora Dumoshi.
Margariti shprehet se në takim u nënshkrua marrëveshje e re, për çuarjen përpara të Kalendarit Kulturor Shqipëri-Kosovë.
“Nënshkrimi i një marrëveshjeje të re, çuarja përpara e Kalendarit Kulturor Shqipëri-Kosovë, ishin dy nga çështjet kryesore të diskutimit, duke u ndalur në veçanti në bashkëpunimin në fushën e kinematografisë, ku Kosova ka shënuar hapa të rëndësishëm, por edhe rishikimi i legjislacionit për lehtësimin e qarkullimit të librit në të dyja anët e kufirit”, tha ajo.
Po ashtu Margariti shton se “jam besimplotë për këtë bashkëpunim, që do të shkojë përtej nënshkrimeve formale. Arti e kultura, gjithnjë kanë tejkaluar çdo barrierë, e aq më tepër me Kosovën”.
