Ministria britanike e Mbrojtjes njoftoi sot se ka urdhëruar “Royal Navy” (marina britanike) të shoqërojë anijet që kanë flamur britanik në ngushticën e Hormuzit, ku Irani ka kapur një prej naftëmbajtëseve të saj javën e kaluar.
“Royal Navy është ngarkuar që të shoqërojë anijet që kanë flamur britanik në ngushticën e Hormuzit”, njoftoi Ministria në një komunikatë.
“Mbi çështjen e Iranit, ne po punojmë që të ulim tensionet aktuale”, deklaroi sot një zëdhënës i kryeministrit, Boris Johnson.
“Kapja më 19 korrik nga Irani e anijes Stena Impero, një naftëmbajtëse suedeze që mbante flamur britanik ishte një veprim i jashtëligjshëm”, theksoi ky zëdhënës.
“Ne kërkojmë që ata të lirojnë anijen dhe ekuipazhin”, shtoi ai.
