Qeveria britanike njoftoi sot se kishte arritur me Japoninë marrëveshjen e parë tregtare që prej daljes nga Bashkimi Europian në fund të janarit.
“‘Britania e Madhe ka arritur një marrëveshje të tregtisë së lirë me Japoninë, që është marrëveshja e parë e rëndësishme e vendit si “komb i pavarur në planin tregtar’”, theksoi Ministria e Tregtisë Ndërkombëtare në një komunikatë.
Marrëveshja, që do të rrisë shkëmbimet tregtare me Japoninë me rreth 15,2 miliardë stërlina, është subjekt i një marrëveshjeje në parim nga ana e ministres britanike të Tregtisë, Liz Truss dhe kreut të diplomacisë japoneze, Toshimitsu Motegi.
“Marrëveshja do të mundësojë për kompanitë britanike t’i shpëtojnë të drejtave doganore për 99% të eksporteve të tyre drejt Japonisë. Nga kjo do të përfitojë veçanërisht industria, bujqësia dhe sektorët teknologjikë”, theksoi ministria në njoftimin e saj për shtyp.
Dalë nga Bashkimi Europian më 31 janar, Britania e Madhe synon të nënshkruajë para fundit të vitit marrëveshje të reja tregtare me bllokun europian, pavarësisht negociatave të vështira, por gjithashtu me partnerë të tjerë, kryesisht SHBA-në.
