Fshati Shkallë në Njësinë Administrative Xibër në Bashkinë e Klosit është një nga fshatrat që preket direkt nëse tjetërsohet rrjedha e burimeve ujore të njohura si gurrat e Gurit të Bardhë.
Nga këto burime ujore, vaditen me qindra hektar tokë bujqësore të fshatrave gurë i bardhë, Petralbë, Shkallë, Xibër Murrize dhe Fshat.
Për ish-këshilltarin bashkiak, Kasem Muça, banor i fshatit Shkallë, “tjetërsimi i përdorimit të burimeve ujore historike për vaditje të fshatit të tij, do të ndikojë rëndë në ekonomitë familjare”.
Për një tjetër banor të këtij fshati marrja e këtij uji nga Bashkia e Tiranës, do të thotë “marrje jete për të gjithë banorët”.
Qeveria shqiptare ka marrë një hua prej 80 milion eurosh në Dhjetor të vitit 2021, Bankës Evropiane të Investime me destinacionin e vetëm atë të ndërtimit të rrjetit të ujësjellësit nga burimet e Gurit të Bardhë në Tiranë.
Megjithëse në terren nuk kanë nisur ende punimet, banorët e 5 fshatrave që preken nga ky projekt thonë se askush nuk i ka pyetur ata.
