Ministria e Mbrojtjes bëri të ditur sot se në vigjilje të Epopesë së UÇK-së dhe 5 Marsit- Ditës së Kazermës “Adem Jashari”, rreth 800 ushtarë të FSK-së, në poligonin e kazermës, kanë realizuar portretin e Komandantit Legjendar, Adem Jashari.
Projekti është ideuar nga piktori i njohur kosovar, Besart Gashi dhe realizuar nga nënoficeri Vesel Raci.
“Marshojmë pas teje Komandant,
Të pandalshëm,
Të pathyeshëm,
Triumfues
Përjetësisht,
Dje, sot, nesër,
Në shpirt- fryma juaj,
Në trup- forca juaj,
Adem Jashari,
Në mendje- vizioni juaj.
Përjetësisht,
Emblema dhe Flamuri ynë!”, është shkruar në faqen zyrtare të Ministrisë në Facebook, ku është publikuar edhe video.
