Basketbollisti kosovar, Edon Maxhuni ka pasur paraqitje shumë të mirë në fitoren e madhe të Finlandës ndaj Kroacisë, në kualifikimet për Botërorin në basketboll.
Finlanda të dielën mbrëma e mposhti Kroacinë me rezultatin 77:71, në Espo. 1.26 minuta para fundit, Kroacia ishte në epërsi 70:69. Por Maxhuni realizoi për tri pikë, për rezultatin 72:70 në të mirë të Finlandës. Më pas Finlanda shënoi edhe pesë pikë për të fituar në fund me 77:71. Maxhuni ishte më efikasi te Finlanda me 15 pikë. Shtoi edhe pesë asistime. Luajti 21 minuta.
Finlanda është pjesë e grupit C, ndërsa tani ka një fitore e një humbje. Të enjten humbi 72:62 nga Suedia. Është ky raundi i parë i kualifikimeve evropiane për Botërorin e basketbollit.
