Një makinë me targa të Kosovës është përfshirë në një aksident të pazakontë përgjatë një autostrade në Stamboll të Turqisë.
Si rrjedhojë, videoja që tregon pasojat e këtij aksidenti është bërë virale në rrjetin social TikTok, kur vetëm në një video ka marrë mbi dy milionë shikime brenda një dite, transmeton Telegrafi.
Siç mund të shihet, makina luksoze e tipit Maybach kishte përfunduar mbi rrethojat mbrojtëse të rrugëve të autostradës.
Pamjet janë xhiruar nga një makinë tjetër në lëvizje, ku për fat shikohet që dëmtimet nuk janë të mëdha.
