Sot po zhvillohen zgjedhjet e përgjithshme të parakohshme në Britaninë e Madhe.
Qendrat e votimit u hapën në orën 07:00 në 650 zonat elektorale të Anglisë, Uellsit, Skocisë dhe Irlandës së Veriut dhe mund të votohet deri në orën 22:00.
Rezultatet e para do të fillojnë të jepen sot në mbrëmje vonë.
I preferuari është kryeministri aktual, Boris Johnson dhe Partia e tij Konservatore, por sfiduesi kryesor i tij, Jeremy Corbin i laburistëve beson se mund ta mundë atë.
Johnson, i cili ka bërë fushatë nën moton ”Get Brexit done”, synon të nxjerrë vendin nga BE në afatin e ri të 31 janarit 2020, ndërkohë rivali i tij Corbin premton një referendum të dytë për largimin nga Bashkimi Europian.
Për median britanike nuk ka asnjë dyshim.
”Guardian” flet këtë mëngjes për një zgjedhje “historike” dhe ”Independent” i bën jehonë atyre duke e përcaktuar fletën e votimit “me të vërtetë historike”.
Këto janë zgjedhjet e treta (pas atyre të 2015 dhe 2017) në më pak se pesë vjet dhe të parat të mbajtura në dhjetor 100 vitet e fundit./
