Duket se PSG nuk dëshiron një tjetër telenovelë me Kylian Mbappe. Klubi francez ka vendosur që nëse sulmuesi nuk rinovon kontratën javët e ardhshme, do ta nxjerrë në merkato.
Madje, “Le Parisien” publikon edhe çmimin me të cilin do të shitet ylli francez. Sipas gazetës, Katari është i gatshëm ta shesë nëse ofrohen jo më pak se 200 milionë euro.
PSG i ka komunikuar nënës së futbollistit që të marrë një vendim sa më shpejt, në mënyrë që të planifikohet edhe sezoni.
Kylian Mbappe ka firmosur një kontratë me PSG deri në vitin 2024.
