Më shumë se 1.300 britanikë kanë marrë rezultate pozitive të pasakta nga testet e korona virusit për shkak të gabimeve në sistemin qeveritar “Testo dhe vëzhgo”, kumtoi sot Ministria britanike e shëndetësisë.
“Personat zyrtar të cilët e kanë shfrytëzuar sistemin “Testo dhe vëzhgo” kontaktuan 1.311 persona dhe i informuan se rezultatet pozitive nga testet e tyre të zbatuara në periudhën nga data 19 deri më 23 nëntor nuk ishin të sakta. Prej tyre ishte kërkuar sërish të testohen dhe të mbesin në izolim nëse vërejnë se kanë simptoma të Kov id-19″, citohet në kumtesën zyrtare të Ministrisë së Shëndetësisë dhe potencohet se bëhet fjalë për “incident të izoluar”, që hulumtohet, lajmërojnë mediat britanike.
Qeveria paralajmëroi se do të investojë shtatë miliard stërlina plotësuese në sistemin “Testo dhe vëzhgo”, si pjesë e programit gjithëpërfshirës për testime masive në Britani të Madhe.
Deri tani në Britani të Madhe janë konfirmuar 1,6 milion raste të Kovid-19 dhe më shumë se 57.500 raste të vdekjes.
