Bota
Mbi 20 mijë prej tyre mbahen peng prej nisjes së luftës, VOA: Pritje e vështirë për familjarët e të rrëmbyerve në Ukrainë
Udhëheqësit dhe aktivistët ukrainas thonë se Rusia po mban peng 20 mijë ukrainas, të cilët janë rrëmbyer që nga fillimi i sulmit ndaj Ukrainës. Siç njofton nga Varshava korrespondentja e Zërit të Amerikës Lesia Balalets , një grua ukrainase po pret me plot vuajtje për bashkëshortin, i cili u arrestua në tetor dhe më vonë u dërgua në një burg në Moskë.
“Ma dërgoi këtë fotografi dhe më tha, ‘Shiko, tani zyrtarisht jam vullnetar’”, thotë zonja Olga Kayova.
Zonja Olga dhe bashkëshorti i saj Yuriy Kayovy janë nga Khersoni, një qytet në jug të Ukrainës. Kur filloi lufta, zoti Yuriy iu bashkua nismës lokale të Kryqit të Kuq, për të dërguar ndihmë humanitare nga qyteti i Zaporizhias, i kontrolluar nga Ukraina, në Kherson, një qytet që në atë kohë ishte nën kontrollin e forcave ruse. Në njërin nga ato udhëtime, zoti Yuriy u arrestua nga forcat ruse.
“Më 6 gusht të vitit 2022, një i njohur, që ishte me Yuriy-n më mori në telefon dhe më tha se bashkëshorti im është arrestuar.”
Më vonë, ajo mësoi se bashkëshorti i saj po mbahej në qytetet e pushtuara të Melitopolit dhe Khersonit dhe më vonë ishte transferuar në qendrën e mbajtjes, në Simferopol. Më nuk dëgjoi për të dhe kishte frikë se ai mund të kishte vdekur.
“Më 6 tetor, një avokate më mori në telefon nga Simferopoli. Më dërgoi një fotografi të një shënimi që burri im e kishte shkruar me dorë. Aty e kuptova se ai ishte gjallë. Avokatja tha se Yuriy po akuzohej për pjesëmarrje në terrorizëm ndërkombëtar”, thotë ajo.
Ajo tha se pas disa javësh, avokatja e kishte njoftuar se bashkëshorti i saj ishte dërguar në burgun e Lefortovos, në Moskë.
Këtë tetor, bëhet një vit nga koha kur ai u dërgua atje. Dhe ka shumë të tjerë sikur ai, civilë të cilët Ukraina i konsideron si pengje të mbajtura nga rusët. Organizata e Kombeve të Bashkuara thotë se ka qindra raste të tilla. Udhëheqësit e Ukrainës thonë se bëhet fjalë për dhjetra mijëra urkainas të rrëmbyer. Rusia i ka hedhur poshtë këto akuza.
“Komisioneri për të drejtat e njeriut i parlamentit ukrainas thotë se rreth 23-25,000 civilë ukrainas po mbahen peng në Rusi. Pra, është një numër shumë i lartë”, thotë ajo.
Rrëfimi i familjes Kayov është përfshirë në filmin “HerSons”, të bazuar në dëshmitë e mbledhura në Qendrën Raphael Lemkin për dokumentimin e krimeve ruse në Ukrainë.
“Filmi përmban katër rrëfime për pengjet civile. Tre prej tyre janë aktualisht në burg në Rusi – dy prej të cilëve në burgun Lefortovo të Moskës. I treti është në qytetin Rostov. I katërti kaloi 54 ditë i mbyllur në Khersonin, që atë kohë ishte i I pushtuar dhe tani është i lirë”, thotë ajo.
Regjisorja Hanna Beregova thotë se ka material të mjaftueshëm për të paktën tre vazhdime të filmit.
Analistët thonë se krejt çfarë të afërmit dhe mbrojtësit e të drejtave të njeriut mund të bëjnë për civilët ukrainas, që po mbahen peng, është të bëjnë publike rastet e tyre.
Për dallim prej të burgosurve të luftës, civilët e rrëmbyer, në bazë të ligjit ndërkombëtar, nuk janë pjesë e operacioneve të shkëmbimit të të burgosurve.
“Të burgosurit e luftës të paktën kanë status ndërkombëtar, të bazuar në Konventën e Gjenevës. Por kur bëhet fjalë për pengjet civile, mbajtja e tyre peng nuk ka bazë ligjore”, thotë ajo.
Ajo thotë se në çfarëdo rasti, shkëmbimi i civilëve ukrainas me të burgosurit rusë të luftës nuk është opsion për Ukrainën.
“Pa dashur të ekzagjerojë, ka miliona ukrainas në territoret e okupuara. Nëse shteti ukrainas lejon shkëmbimin e civilëve ukrainas me ushtarë rusë, atëherë deri nesër, do të kemi të paktën edhe 20 mijë pengje civile.”
Autoritetet ukrainase dhe aktivistët e mbrojtjes së të drejtat të njeriut po bëjnë thirrje për ndërmjetësim ndërkombëtar, me palët e treta, për të ndihmuar në lirimin e civilëve të rrëmbyer.
Zonja Olga Kayova, ndërkohë, ka arritur të angazhojë një avokate private për bashkëshortin e saj.
Me ndihmën e avokates, ajo herë pas here merr letra nga bashkëshorti i saj, që japin shpresë se ai një ditë do të kthehet në shtëpi.
Autoritetet shëndetësore në Shtetet e Bashkuara kanë lëshuar një paralajmërim urgjent pasi mijëra pasagjerë mund të jenë ekspozuar ndaj fruthit, sëmundjes më ngjitëse në botë, në aeroportin ndërkombëtar Neëark Liberty në New Jersey.
Sipas Departamentit të Shëndetësisë të New Jersey-t (NJDOH), një person i infektuar, jo rezident i këtij shteti, ka udhëtuar nëpër terminalet B dhe C më 19 dhjetor, mes orës 07:00 dhe 19:00, gjatë kulmit të udhëtimeve festive.
Zyrtarët paralajmërojnë se vendndodhja e saktë e personit nuk dihet, ndërsa po kryhet gjurmimi i kontakteve. Personat e ekspozuar mund të shfaqin simptoma deri më 2 janar 2026. Fruthi shfaqet me temperaturë të lartë, kollë, rrjedhje hundësh, sy të skuqur dhe skuqje të lëkurës, ndërsa mund të shkaktojë ndërlikime të rënda, si pneumonia dhe encefaliti.
Sipas CDC-së, në SHBA janë regjistruar mbi 2000 raste fruthi gjatë vitit 2025 dhe tre viktima, duke e bërë këtë shpërthimin më të madh që nga viti 1992.
Ekspertët fajësojnë rënien e normave të vaksinimit, duke theksuar se vaksina MMR mbetet mjeti më efektiv për parandalimin e sëmundjes. Autoritetet u bëjnë thirrje qytetarëve të vaksinohen dhe të kontaktojnë mjekun para çdo vizite shëndetësore në rast dyshimi për ekspozim.
Presidenti ukrainas Volodymyr Zelensky ka prezantuar një plan me 20 pika për t’i dhënë fund luftës me Rusinë, të cilin e ka cilësuar si “përpjekjen më të mirë” për arritjen e paqes. Drafti, i diskutuar së fundmi me përfaqësues të SHBA-ve dhe i paraqitur edhe ish-presidentit amerikan Donald Trump, konsiderohet rreth 90% i përfunduar, por mbetet ende i hapur për disa çështje kyçe.
Plani përfshin një sërë masash që synojnë stabilizimin e situatës në Ukrainë dhe parandalimin e një përshkallëzimi të ri të konfliktit.
Çfarë parashikon plani?
Mes pikave kryesore janë ngrirja e vijës së frontit, krijimi i një ushtrie të fuqishme ukrainase prej rreth 800 mijë trupash, e mbështetur financiarisht nga partnerët perëndimorë, si dhe vendosja e garancive të forta të sigurisë, të ngjashme me nenin 5 të NATO-s.
Gjithashtu, parashikohet anëtarësimi i Ukrainës në Bashkimin Europian, me kërkesën që të përcaktohet një afat i qartë për këtë proces. Kievi kërkon që kjo të jetë një garanci politike dhe strategjike për të ardhmen e vendit.
Siguria dhe garancitë ndërkombëtare
Plani përfshin një marrëveshje dypalëshe sigurie me Shtetet e Bashkuara dhe mbështetje ushtarake nga vendet evropiane, përfshirë mbrojtjen ajrore, tokësore dhe detare. Gjithashtu, parashikohet krijimi i një mekanizmi monitorimi për të shmangur rifillimin e luftimeve dhe për të garantuar respektimin e marrëveshjes.
Një tjetër element i rëndësishëm është lirimi i të gjithë robërve të luftës dhe civilëve të ndaluar, si dhe organizimi i zgjedhjeve pas arritjes së një marrëveshjeje paqeje.
Donbasi, nyja më e ndërlikuar
Rajoni i Donetskut mbetet pika më e vështirë e negociatave. Kievi refuzon çdo skenar që parashikon dorëzimin e territoreve të pushtuara dhe propozon krijimin e një zone të çmilitarizuar, ku të dyja palët të tërhiqen dhe siguria të garantohet nga forca ndërkombëtare.
Çështja e Zaporizhzhias
Një tjetër pikë e ndjeshme është centrali bërthamor i Zaporizhzhias, aktualisht nën kontroll rus. Zelensky propozon që ai të funksionojë si një “joint venture” mes Ukrainës dhe Shteteve të Bashkuara, me administrim të përbashkët dhe mbikëqyrje ndërkombëtare. Sipas tij, kjo do të garantonte sigurinë energjetike dhe do të shmangte rreziqet e një aksidenti bërthamor.
Qëndrimi i Moskës
Nga ana tjetër, Moska ka reaguar me tone të ashpra. Presidenti rus Vladimir Putin ka deklaruar se Perëndimi po përpiqet ta detyrojë Ukrainën të pranojë kushte të pafavorshme, ndërsa ka paralajmëruar se Rusia do të vazhdojë operacionet ushtarake nëse nuk arrihet një marrëveshje “e pranueshme”.
Putin ka theksuar se kontrolli i plotë i rajonit të Donetskut mbetet një nga objektivat strategjikë të Rusisë, duke e konsideruar atë një zonë kyçe për sigurinë dhe interesat e saj.
Kremlini tha se pajtohet me Presidentin e SHBA-së, Donald Trump, se bisedimet për t’i dhënë fund luftës në Ukrainë janë në fazën përfundimtare.
I pyetur nga gazetarët nëse Moska ndan vlerësimin e Trump pas bisedimeve me Presidentin ukrainas Volodymyr Zelensky, zëdhënësi i Kremlinit Dmitry Peskov u përgjigj: “Sigurisht”.
Peskov refuzoi të komentojë mbi idenë e një zone të lirë ekonomike në Donbas ose mbi të ardhmen e termocentralit bërthamor Zaporizhzhia, i cili kontrollohet nga Rusia, duke thënë se Kremlini e konsideronte të papërshtatshme.
“Për momentin, nuk e konsiderojmë të nevojshme të japim detaje”, tha ai.
Sipas tij Ukraina duhet të tërheqë trupat e saj nga pjesa e Donbasit që ende e kontrollon nëse dëshiron paqe dhe se nëse Kievi nuk arrin një marrëveshje, atëherë do të humbasë edhe më shumë territor.
Putin dhe Trump folën të dielën përpara takimit të Trump në Miami me Presidentin ukrainas Volodymyr Zelenskiy. Zëdhënësi i Kremlinit Dmitry Peskov tha se një tjetër telefonatë ishte planifikuar shumë shpejt.
Këta janë 10 kandidatët më të votuar në Vetëvendosjes
Mijëra vetë të ekspozuar ndaj fruthit, alarm në një prej aeroporteve më të ngarkuar në botë
Kryetari shqiptar i komunës së Morbachut bëhet viral në Gjermani
Bujqësia po e humb peshën e saj në ekonomi, sektori në rënie të lirë
Berisha uron Kurtin për fitoren: Zgjedhjet, një sukses i vërtetë i demokracisë në Kosovë!
BE pret formim të shpejtë të institucioneve të reja të Kosovës
Zbulohet pas 12 vitesh, çfarë tha Michael Schumacher para se të aksidentohej
Ish-kampioni i botës në boks Anthony Joshua plagoset në një aksident automobilistik në Nigeri, dy persona humbin jetën
20 pikat e Zelenskyt për t’i dhënë fund luftës, Rusia kundër!
FOTO/ Nëna me dy fëmijët humbën jetën në një zjarr tragjik në Angli
Autoboti i pastrimit të ujërave të zeza, po shpërndan ujë për qytetarët në Vlorë
Strakosha në formë të jashtëzakonshme, AEK-u gjen stabilitet. Garanci edhe për Kombëtaren
I dhanë mundësinë të krijojë qeverinë pa opozitën, Kurti mesazh falënderues për të gjithë votuesit e LVV: U jemi mirënjohës përjetë
Vlora 4 ditë pa ujë, kryetarja e bashkisë: Defekti, fatkeqësi natyrore. Ujësjellësi s’është në varësinë tonë, protestën po e bën opozita
Peskov: Rusia pajtohet me vlerësimin e Trump, bisedimet në fazën përfundimtare
U kap me kokainë me vlerë 230 mijë euro, shqiptari: Mos më dënoni, më lejoni të kthehem në Shqipëri
FOTO/ Nëna me dy fëmijët humbën jetën në një zjarr tragjik në Angli
Shqiptari në Britani shpëton nga deportimi pasi “partnerja nuk i flet shqip”
Ish-kampioni i botës në boks Anthony Joshua plagoset në një aksident automobilistik në Nigeri, dy persona humbin jetën
Rrëzohet aeroplani në Britani, alarm në aeroportin Southend në Londër
Hetimet për atentatin e Rinasit, burime: Autorët pasi dogjën mjetin që përdorën në krim u larguan me ambulancë
VIDEO/ Protesta në Vlorë për mungesën e ujit, qytetarët futen në teatrin “Petro Marko” dhe ndërpresin mbrëmjen gala të bashkisë
Princi William dhe Kate Middleton vendosën vijë sigurie 9.6km rreth rezidencës së tyre të re, reagojnë banorët e zonës: Masa të tepruara dhe pa konsultim
“Katolikët monitoroheshin, myslimanët përgatitnin ushqimet për ta” – si festoheshin Krishtlindjet në komunizëm në Shqipëri
Anomalia e buxhetit, 2 miliardë euro shpenzime në dhjetor
Përplasjet kufitare Taxhikistan-Taleban: Çfarë fshihet pas tyre, pse ndikojnë në Kinë?
Spitalet paralajmëruan se kriza e kujdesit në fund të jetës kërcënon trajtimin
Këta janë 10 kandidatët më të votuar në Vetëvendosjes
Titujt e gazetave në UK
Disidenti egjiptian kërkon falje për tweets, ndërsa konservatorët kërkojnë dëbim nga Mbretëria e Bashkuar
-
Albania18 hours agoU kap me kokainë me vlerë 230 mijë euro, shqiptari: Mos më dënoni, më lejoni të kthehem në Shqipëri
-
UK17 hours agoFOTO/ Nëna me dy fëmijët humbën jetën në një zjarr tragjik në Angli
-
Albania3 days ago
Shqiptari në Britani shpëton nga deportimi pasi “partnerja nuk i flet shqip”
-
Sports16 hours agoIsh-kampioni i botës në boks Anthony Joshua plagoset në një aksident automobilistik në Nigeri, dy persona humbin jetën
-
UK3 days ago
Rrëzohet aeroplani në Britani, alarm në aeroportin Southend në Londër
-
Albania18 hours agoHetimet për atentatin e Rinasit, burime: Autorët pasi dogjën mjetin që përdorën në krim u larguan me ambulancë
-
Albania1 day ago
VIDEO/ Protesta në Vlorë për mungesën e ujit, qytetarët futen në teatrin “Petro Marko” dhe ndërpresin mbrëmjen gala të bashkisë
-
UK1 day agoPrinci William dhe Kate Middleton vendosën vijë sigurie 9.6km rreth rezidencës së tyre të re, reagojnë banorët e zonës: Masa të tepruara dhe pa konsultim