Rreth 27 mijë e 100 ukrainas kanë arritur në Britaninë e Madhe që nga e hëna, sipas skemave të veçanta të vizave, njoftoi Qeveria, duke shtuar se më pak se një e treta e numrit të përgjithshëm që u janë lëshuar viza.
Të ardhurit përfshijnë 11 mijë e 100 persona në Skemën e Sponsorizimit të Ukrainës, për ukrainasit që kanë dikë që u siguron strehim. Gjithashtu 16 mijë persona në Skemën Familjare të Ukrainës, për ukrainasit që bashkohen me anëtarët e familjes tashmë në Britani.
Sipas të dhënave të Qeverisë, 59 mijë refugjatë ukrainas të cilëve u janë dhënë viza nuk kanë arritur ende në Britani.
Në fillim të këtij muaji, sekretari i brendshëm britanik kërkoi falje për vonesat zhgënjyese të vizave, pasi sponsorët e mundshëm u ankuan se sistemi ishte shumë i ngadaltë dhe i ndërlikuar.
Në total, më shumë se 5 milionë ukrainas janë larguar nga vendi që nga fillimi i luftës, sipas OKB-së.
Polonia ka pranuar mbi gjysmën e atyre – 2.9 milionë njerëz, më shumë refugjatë se çdo vend tjetër./21Media
