Më shumë se 3,000 fluturime janë anuluar sot në mbarë botën, me më shumë se 50% brenda SHBA-së, duke përkeqësuar problemet e udhëtimit për shkak të kushteve të motit dhe rritjen e numrit të rasteve nga varianti Omicron.
Më shumë se 3,300 fluturime u anuluan sot duke përfshirë më shumë se 1,900 fluturime hyrëse ose dalëse nga Shtetet e Bashkuara, sipas FlightAware.com.
Festat e Krishtlindjeve dhe Vitit të Ri janë zakonisht më të ngarkuarat për udhëtimet ajrore, por përhapja e shpejtë e COVID-19 ka bërë që linjat ajrore të anulojnë fluturimet pasi pilotët dhe ekuipazhet janë karantinuar.
Edhe Shërbimet e Transportit Mbarëkombëtar kanë pezulluar ofrimin e shërbimeve të tyre, për shkak të reduktimit të stafit, për shkak të shtimit të rasteve. Varianti Omicron ka regjistruar një numër rekord rastesh duke anuluar shumë nga festimet e planifikuara për vitin 2022, në mbarë botën.
