Në mesazhin drejtuar kombit, sonte Mbretëresha Elisabeth II ka thënë që Mbretëria e Bashkuar do të ketë sukses në luftën e saj kundër pandemisë së koronavirusit.
Mbretëresha britanike falënderoi mjekët dhe të gjithë britanikët në fjalimin televiziv, në kohën kur vendi po përballet me krizën e përkeqësuar me koronavirus, transmeton BBC.
Mbretëresha 93-vjeçare, e cila është në izolim, falënderoi familjet për respektimin e udhëzimeve të qëndrimit në shtëpi dhe përshëndeti heronjtë e pabesueshëm të shpëtimit të jetës NHS, duke premtuar se kohë më të mira janë përpara.
“Unë po ju flas në atë që e di se është një kohë gjithnjë e më sfiduese. Një kohë përçarje në jetën e vendit tonë: një përçarje që ka sjellë pikëllim për disa, vështirësi financiare për shumë njerëz dhe ndryshime të mëdha në jetën e përditshme të të gjithëve. Dua të falënderoj të gjithë në vijën e parë të NHS, si dhe punonjësit e përkujdesjes dhe ata që kryejnë role kyçe, të cilët në mënyrë të vetmohueshme vazhdojnë detyrat e përditshme jashtë shtëpisë në mbështetje të të gjithëve. Jam i sigurt se kombi do të bashkohet me mua për t’ju siguruar se ajo që bëni ju vlerësohet dhe çdo orë e punës suaj të vështirë na sjell më pranë kthimit në kohë më normale”, tha Elisabeth II.
Mbretëresha ka ngushëlluar edhe ata që gjatë kësaj periudhe kanë humbur më të dashurit e tyre për shkak të koronavirusit, duke siguruar se vetëm të bashkuar dhe me vendosmëri do ta mposhtin këtë sëmundje.
“Familjarët në të gjithë vendin janë paralajmëruar të qëndrojnë në shtëpi për të parandaluar përhapjen e virusit vdekjeprurës. Shpresoj që në vitet në vijim të gjithë do të jenë në gjendje të krenohen me mënyrën se si iu përgjigjën kësaj sfide. Ata që vijnë pas nesh do të thonë se britanikët e kësaj gjenerate ishin po aq të fortë sa çdokush. Krenaria për atë që jemi nuk është pjesë e së kaluarës sonë, ajo përcakton të tashmen dhe të ardhmen tonë. Do të takohemi përsëri”, tha mbretëresha Elisabeth II.
Ajo pohoi se “së bashku ne po e trajtojmë këtë sëmundje, dhe dua t’ju siguroj se nëse mbetemi të bashkuar dhe të vendosur, atëherë do ta kapërcejmë atë”.
Ajo gjithashtu theksoi vlerën e vetë-disiplinës dhe vendosmërisë dhe shprehu shpreson që, në të ardhmen të gjithë “të jenë në gjendje të krenohen me mënyrën se si iu përgjigjën kësaj sfide”.
