Kosovare Asllani është larguar përfundimisht nga futbolli suedez dhe sot ka nënshkruar kontratë me klubin spanjoll, CD Tacón, i cili nga sezoni 2020/21 do të quhet Real Madrid.
Futbollistja kosovare është larguar përfundimisht nga Linkopingu i Suedisë për t’u transferuar në ekipin spanjoll CD Tacón, i cili nga sezoni 2020/21 do të quhet Real Madrid.
“Kosovare Asllani është futbolliste e re e CD Tacón. Mirëserdhe”, ka shkruar klubi spanjoll në rrjetet sociale.
“Jam krenare t’ju njoftojë se unë do të jem blerja e parë zyrtare e Real Madridit/Cd Tacon”, shkroi Asllani në llogarinë e vet zyrtare në Twitter.
Kosovare Asllani e ka një histori të veçantë, si shumica e sportistëve nga Kosova, familjet e të cilëve kishin migruar në vitet e 90-ta jashtë vendit i cili po përballej me fillimin e luftës. Futbollistja kosovare, edhe pse është lindur e rritur në Suedi, nuk i ka harruar asnjëherë rrënjët e saj. E ka bërë tatuazh shqiponjën dykrenore dhe thotë se Kosovën e ka në zemër.
