Maska e fytyrës ka qenë tema e ditës në Mbretërinë e Bashkuar pasi burime të larta thanë që qeveria po mendon ta bëjë atë të detyrueshme në dyqanet e Anglisë. Aktualisht, maskat janë të detyrueshme për transportin publik në Angli, Skoci dhe Irlandën e Veriut, dhe këshillohen në Uells – por në Skoci ato janë të detyrueshme edhe në dyqane.
Pra, si krahasohen rregullat e Mbretërisë së Bashkuar me vendet e tjera?
- Spanjë: Maskat për fytyrën janë të detyrueshme në publik për këdo nga mosha gjashtë vjeç e sipër, brenda dhe jashtë, nëse nuk është e mundur të qëndroni 1,5 metra larg.
- Francë: Maska rekomandohet në situata të caktuara dhe e detyrueshme në të tjerat. Ato janë të detyrueshme për transportin publik, në disa dyqane, taksi, kafene dhe bare, kazino dhe shkolla (megjithëse masat mund të ndryshohen në nivel lokal).
- Gjermani: Që nga fundi i prillit, të gjitha shtetet kanë kërkuar nga të gjithë të mbulojnë hundën dhe gojën kur përdorin transportin publik dhe në dyqane.
- Itali: E detyrueshme të mbani maskaë në hapësira të mbyllura, përfshirë transportin, dhe në çdo situatë kur nuk është e mundur distanca sociale.
- Belgjikë: E detyrueshme për transportin publik dhe, nga sot, edhe në dyqane, kinema dhe ambiente të tjera të mbyllura.
- Portugali: Përdorimi i maskave për fytyrën është i detyrueshëm në transportin publik dhe shërbimet, dyqanet dhe supermarketet, në hapësira të mbyllura ose tubime në natyrë.
- Poloni: Mbulimi i fytyrës është i detyrueshëm, aty ku është e pamundur të ruash distancë prej 2 metra.
- SHBA: Rreth 20 shtete kanë e kanë bërë të detyrueshme maskën në hapësira publike./BBC
