Elizabeth II ishte padyshim fytyra më e njohur e monarkisë në botë, famë e ndërtuar në 70 vite drejtimi të Britanisë së Madhe, por simbolikisht edhe i të gjithë vendeve që përbejnë Commonwealth.
Ndarja e saj nga jeta, në moshën 96-vjeçare, mblodhi sot në Londër pothuajse të gjithë monarkët e planetit.
Nga mbretërit e Spanjës te ato të vendeve skandinave, nga perandori japonez, që deri pak vite më parë cilësohej në vendin e tij si “qenie mbinatyrore”, deri tek sulltanët e vendeve aziatike.
Të gjithë së bashku në pak metra katrorë, si kurrë më parë, ata ishin të pranishëm në Westiminster për të nderuar figurën e një prej ikonave të shekullit të XX.
