Mbreti i Jordanisë thotë se SHBA duhet të ushtrojë presion ndaj Izraelit që të pranojë armëpushimin në Gaza. Këtë e raporton Haaretz, duke cituar Reuters.
Mbreti Abdullah II paralajmëroi sot Sekretarin Amerikan të Shtetit Antony Blinken, me të cilin u takua në Aman, për “pasojat katastrofike” të vazhdimit të fushatës ushtarake izraelite në Gaza, njofton në një deklaratë pallati mbretëror jordanez.
Mbreti Abdullah i tha gjithashtu Blinken se Uashingtoni ka një rol të rëndësishëm për të luajtur në presionin ndaj Izraelit për të rënë dakord për një armëpushim të menjëhershëm në Gaza, thuhet në deklaratë.
