Një varkë me emigrantë është përmbysur pranë brigjeve të Libisë, duke shkaktuar të paktën 35 viktima.
Sipas Agjencisë së Migracionit në OKB, mbytja e anijes ndodhi pranë qytetit perëndimor të Libisë, Sabratha, një pikë kryesore nisjeje për emigrantët, kryesisht afrikanë që bëjnë udhëtimin e rrezikshëm përmes Mesdheut për të mbërritur në Europë.
Organizata Ndërkombëtare për Migracionin bën me dije se deri tani janë nxjerrë trupat e pajetë të 6 emigrantëve, ndërkohë që nuk dihet fati i 29 të tjerëve.
