Athina dhe Ankaraja do të ulen në bisedime në Shqipëri. Ministri i Jashtëm turk, Mevlut Cavusoglu, i ofroi Greqisë të uleshin në bisedime për ndasitë e tyre për detin në një konferencë për shtyp. Ai shtoi se kryeministri Edi Rama e ka ftuar në Tiranë dhe pret që të takohet edhe me ministrin e Jashtëm grek, Nikos Dendias. Takimi, shtoi ai, do të zhvillohet brenda Janarit.
“Kur qeveria Tsipras erdhi në pushtet në 2016, nuk donte të vazhdonte bisedimet. Pas zhvillimeve në Mesdheun Lindor, bisedimet u rikthyen në axhendë. Në një bisedë në telefon, gjatë periudhës së izolimit, ne thamë se jemi gati për bisedime paraprake. Greqia tha se ajo mund të fillonte negociatat rreth 11 janarit. Ndaj sot, ne ftojmë Greqinë që ta zhvillojmë takimin e parë në janar. Ne jemi vendi pritës. Miq tanët janë angazhuar në negociata. Por ne jemi gati që sot. Pas këtij takimi të parë, unë do të shkoj në Tiranë, me ftesë të Edi Ramës dhe jam gati të takohem me ministrin e jashtëm grek Dendias. Shpresoj që Greqia do të mos e refuzojë këtë dhe bisedimet të rifillojnë brenda këtij muaji”, tha ministri turk.
Kujtojmë se kur kryeministri Edi Rama ishte në Ankara se vizita e tij në Greqi kishte në fokus një ngjarje të madhe e cila sipas socialistëve pritet të ndodhte pas ndalesës së tij në Athinë. Ishte përfolur se Rama ishte në rolin e ndërmjetësit, por një gjë e tillë nuk është konfirmuar.
Greqia dhe Turqi nuk janë në dakordësi për çështjen e Detit. Të dyja vendet kanë zhvilluar mbi 60 raunde bisedimesh por pa sukses. Turqia dhe Greqia nuk janë në një mendje për shtrirjen e shelfit Kontinental në Mesdhe dhe çështje të tjera. Tensionet kapën kulmin në muajin gusht 2020, kur Turqia dërgoi anijen eksploruese Oruç Reis në Mesdhe, në ujëra që grekët thonë se janë të tyre.
