Mediat britanike po flasin gjithmonë e më shumë orët e fundit për një interesim të fortë të Evertonit për sulmuesin shqiptar Armando Broja.
Ekipi nga Liverpuli besohet t’i ketë kërkuar 20-vjeçarin pjesë e kombëtares kuqezi si pjesë e një shkëmbimi më të gjerë që do të çonte drejt Londrës talentin 21-vjeçar Anthony Gordon, një lojtar krahu që cilësohet si e ardhmja e kombëtares angleze.
Everton kërkon rreth 60 milionë euro për transferimin, si dhe huazimin e Conor Gallagher ose pikërisht Brojës.
Evertoni besohet të ketë kërkuar Brojën si pjesë i një shkëmbimi që do të çonte drejt Londrës talentin 21-vjeçar Anthony Gordon
Edhe pse trajneri i Chelsea Tuchel ka nënvizuar mbështetjen për shqiptarin e lindur në Britaninë e Madhe, në tre ndeshje të para të sezonit e ka përdorur atë me pikatore.
Ndërkohë, tifozët e Chelsea nuk kanë reaguar mirë për lajmin, duke vënë në dukje që ekipi i tyre nuk ka një sulmues të mirëfilltë dhe se ato që po kërkohen, si Aubameyang, nuk bindin plotësisht, ndërkohë që Broja pritet të shpërthejë definitivisht.
