Në fund, është marrë një prononcim nga drejtori i Qendrës për Zhvillimin e Bashkëpunimit Ndërkombëtar, Stevica Dejanski, i cili ka vënë re se shqiptarët janë shumë nervozë.
Mediat serbe i kanë dedikuar një artikull pretendimeve të presidentit Ilir Meta se kryeministri Edi Rama ka bërë plane për ndarjen e Kosovës. “Alo.rs” përmend akuzat e presidentit Meta, ish-kryeministrit të Kosovës, Ramush Harandinaj dhe tërheqjen që Rama bëri nga kjo e fundit në korrik të këtij vitit. Në fund, është marrë një prononcim nga drejtori i Qendrës për Zhvillimin e Bashkëpunimit Ndërkombëtar, Stevica Dejanski, i cili ka vënë re se shqiptarët janë shumë nervozë. Kjo sipas tij sepse ndërkombëtarët e kanë “kuptuar” se nuk janë më faktorë në Ballkan dhe se vendin ua ka zënë Serbia.
Pretendime tronditëse u bënë nga presidenti Ilir Meta, i cili thotë se është 1,000% i sigurt se Rama i propozoi fshehurazi Serbisë dhe ndërmjetësuesve ndërkombëtarë, ndarjen e Kosovës.
Plani sekret
Ilir Meta thotë se është plotësisht i bindur që Edi Rama nuk dëshiron që Kosova të jetë e pavarur dhe se kërkon që ta aneksojë një pjesë të saj.
“Rama i bëri dëme të mëdha ‘Kosovës’ me deklaratat e tij. Në 10-vjetorin e pavarësisë së Kosovës, si mund të thotë ai, si Kryeministër i Shqipërisë në Parlamentin e Kosovës, që ne do të kemi një president të përbashkët për disa vjet?! Serbia reagoi ndaj kësaj shpejt, padyshim në një mënyrë të koordinuar… Kjo nuk është një rastësi. Kjo do të thotë që Kosova nuk duhet të jetë shtet dhe nuk duhet të njihet sepse një ditë do të aneksohet në Shqipëri. Ndërkohë që Rama paditi Haradinajn, i cili e akuzoi për ndarje. Por çfarë do të thotë fakti që kryeministri i Shqipërisë po padit ish-homologun e Kosovës? Pse e bëri? Dhe pse u tërhoq nga gjyqi vetëm pas disa muajsh? E dini pse? Epo, sepse do të provohej në gjykatë që Rama me të vërtetë propozoi ndarjen e Kosovës. Jam 1000 për qind i sigurt për këtë!,”-tha Meta në një intervistë për TV Klan.
Në të vërtetë, më 15 janar të këtij viti, Rama paditi Haradinajn për shpifje sepse ai vazhdimisht pretendonte se Rama kishte rënë dakord fshehurazi me Hashim Thaçin dhe Aleksandër Vuçiç për ndarjen e Kosovës dhe “shkëmbimin e territoreve”. Vetëm pesë muaj e gjysmë më vonë, më 1 korrik, Rama njoftoi se e kishte tërhequr procesin gjyqësor.
Një fëmijë i llastuar
Duke komentuar të gjitha këto akuza, drejtori i Qendrës për Zhvillimin e Bashkëpunimit Ndërkombëtar, Stevica Dejanski, vëren se shqiptarët janë shumë nervozë.
“Për dekada, ata shijuan trajtimin e një fëmije të llastuar dhe çfarëdo që bënin u tolerua. Sot, kur Serbia ka rifituar reputacionin e saj dhe kur po bëhet më e fortë ekonomikisht dhe ushtarakisht duke treguar që nuk është faktor përçarës në rajon, pozicioni i tyre është lëkundur për të thënë më së paku. Të gjithë tani e shohin gjithnjë e më qartë se Kosova është një krijim artificial. Kjo është arsyeja pse ka lindur ky nervozizëm dhe sulmet e ndërsjella. Drejtësia ndërkombëtare nuk u përshtatet aspak shqiptarëve,”-thotë Dejanski.
