Fatmir Mediu, kandidati i 7 i “Aleancës për Ndryshim”, zhvilloi takime me të rinj dhe gra të qytetit të Tiranës.
Mediu dha se 25 prilli është përplasja e dy botëve dhe kërkoi mbështetjen e tij për nr.7 dhe për koalicionin “PD-AN”
Gjatë bashkëbisedimit me të rinjtë, pyetjes se sa e vështirë është për të rinjtë që të angazhohen në politikë, Mediu ju përgjigj:
Ide të qarta, marrëdhënie të qarta me njerëzit, pastaj pjesëmarrja aktive në debatin politik, pjesëmarrja aktive dhe në cështje të mëdha publike dhe padyshim angazhim mediatik më i madh, do të jepte shanse për një promovim më të qartë në politikë.
Shqipëria është një vend që Zoti ja ka falur të gjitha dhe duhet vetëm që ne të dime të menaxhojmë veten tonë si njerëz, që në vend të ndarjes të kemi më shumë komunikim me njëri-tjetrin, në vend të urrejtjes të kemi më shumë dashuri për njëri-tjetrin, dhe në vend të përbuzjes të përpiqemi t`i ofrojmë njëri-tjetrit më shumë dinjitet.
Prandaj mendoj që në 25 Prill, përplasen dy botë me njëra-tjetrën. Bota e Edi Ramës që përfaqëson një regjim të korruptuar dhe të inkriminuar, dhe bota e shqiptarëve që duan një demokraci ku të gjithë janë të barabartë përballë ligjit, ku të luftohet korrupsioni dhe krimi.
Mediu nxiti të rinjtë të votojnë ata dhe të nxisin të tjerët të votojnë.
Duhet t`i kërkoni gjithësecilit të dalë dhe të votojë, pavarësisht cfarë bindje politike ka. Duhet të dalë dhe të votojë dhe të tregojë që fatin e vet e vendos ai vetë. Pastaj mendoj që duhet të gjykojë se si duhet të votojë. E thashë njëherë, duke parë tek familja.
Mediu tha se “Aleanca për Ndryshim”, ka vendosur në qendër të programit të saj, zhvillimin ekonomik familjar dhe të ekonomisë kombëtare.
