Nga Genc Burimi
Pas aferës Mac Gonigal, afera Josifi, është skandali me tronditës që përfshin Shqipërinë në vorbullën e kriminalitetit ndërkombëtar me dijeninë e Shtetit shqiptar dhe të drejtësisë “së re” shqiptare.
Heshtja e kësaj të fundit për një skandal të përmasave të tilla i shton edhe më shumë dyshimet tek sinqeriteti i SPAK-ut kur bëhet fjala për hetime tek personat më të afërt tek rrethi i ngushtë i Edi Ramës. Personazhi në fjale Amant Josifi ka qenë këshilltar në kabinetin e ministres Olta Xhaçka, ashtu si Dorian Duçka i skandalit Mac Gonigal ka qenë këshilltar në qeverinë Rama ku çuditërisht SPAK insiston të mos hetojë.
Amant Josifi ka dhe një karakteristike suplementare, ai ka qenë ortk në biznes me Olsi Ramën , vëllain e Kryeministrit. Të dy, Amant Josipi dhe Olsi Rama kishin në bashkëpronësi firmën shqiptare te telekomunikacionit Pegasus Communications Shpk deri me 2017.
Por karriera e Amant Josifit do të marrë me pas një kthesë tjetër, që do ta kthejë atë në një ekuivalent të të famshit Madof me fitime kriminale që dhe vetë Madof do t’ja kishte patur zili, pasi janë gati 2,5 miliard euro te grabitura me mashtrime që e bëjnë sot Amant Josifin të ekstradohet nga Dubai në Spanjë.
Artikulli shokues i rrjetit investigativ ndërkombëtar mbi pasivitetetin e Shqipërisë në dosjen Josifi
Në origjinë të plasjes së skandalit është i famshmi rrjet investig ndërkombëtar OCCPR, të njëjtët gazetare që bënë të plaste dhe skandali i Panama Papers. Janë të njëjtët që do i “qepen“ që me 2020 Amant Josifit dhe grupit kriminal ndërkombëtar ku ai bën pjesë me emrin Milton Group.
Investigimet thelbësore fusin në lojë dhe shtypin spanjoll (gazeten kryesore El Pais) pasi Spanja është vendi me i prekur nga skema e mashtrimit me përmasa halucinante. Lajmet sot bëjnë të ditur se shqiptari me emrin Amant Josifi është arrestuar në Dubai pikërisht me kërkesë të Spanjës.
U desh të cenoheshin interesat e shtetasve spanjolle domethënë europiane, që Dubai vend mik i Kryeministrit Edi Rama t’ja lëvrojë Spanjës shqiptarin që Dubai duhet t’ja kishte lëvruar me kohë Spak-ut .
Po si mund t’ja dorëzonte Dubai Amant Josifin Shqipërisë, vendi që po i fal Emirateve të Bashkuara arabe portin e Durrësit, dhe për më tepër kur Shqipëria as urdhër arresti ndërkombëtar nuk kishte nxjerrë në adresë të autoriteteve në Dubai? A mund të këtë lidhje kjo “mbyllje sysh” shqiptare me faktin që Amant Josifi ka qenë ortak me vëllain e Kryeministrit dhe këshilltar në qeverinë e tij e pikërisht në shërbim te ministres Olta Xhaçka kur kjo ishte në krye të Ministrisë së Mbrojtjes? Ishte kjo që shokoi më shumë gazetarët e huaj.
Kjo jetë e dyfishtë e një përfaqësuesi në qeverinë shqiptare i lidhur njëkohësisht me krimin e organizuar ndërkombëtar. Për çfarë akuzohet konkretisht Amant Josifi? Ndërkohë që paguhej nga taksapaguesi shqiptar, ai mbante në këmbë një mega-piramidë financiare ndërkombëtare.
Një rrjet call centerash me emrin Milton Group i shtrirë nga Ukraina ne Gjeorgji duke përfshirë Shqipërinë.
Nga 15 Call Centerat e rrjetit 6 ndodheshin në Shqipëri. Nga 5 të arrestuarit e operacionit EUROJUST para disa kohesh qe shpartalloi këtë “piramide financiare” botërore e shtrirë në 10 vende 4 u arrestuan ne Shqipëri.
Vendi ynë mbante peshën kryesore. Por mungonte “koka” , Amant Josifi qe fshihej në Dubai ndërkohë që Dubai si për ironi te fatit , ose si kompensim qe mos ta dorezonte, bente marrëveshje me qeverinë shqiptare që t’i dhurohej porti i Durrësit. Grupi kriminal ndërkombëtar ku ne rolet kryesore luante shqiptari Josifi, arriti qe ne tre vjet ekzistence te fitoje pra mbi dy miliard dollarë me metoda komerciale shitje në telefon për produkte financiare ne kriptomonedha.
Viktimat e Amant Josifit qe punësonte mbi 500 te rinj e të reja në Shqipëri që mashtronin në telefon, ishin mbi 200 mijë qytetarë të thjeshtë në BE, nga Spanja, në Itali e në Gjermani .
Viktimave, shpesh në moshë të thyer , u premtoheshin fitime të shpejta e super të majme. Kjo afere kaq e rëndë, kaq e shëmtuar, kaq barbare dhe kaq e papranueshme në Europën e civilizuar vuri në lëvizje jo vetëm shërbimet spanjolle për të mbrojtur qytetaret e saj, por, çoi dhe rrjetin e famshëm të gazetareve investigative OCCRP te beje një sërë artikujsh publik te konsultueshëm në websitin e tij.
Gazetaret ne fjale vendosen t’i shtrinin investigimet dhe ne Shqipëri. Aty ata do te zbulojnë një heshtje të pazakonte nga policia shqiptare dhe nga SPAK.
Me 15 dhjetor 2022, rrjeti investigativ hedh ne internet shkrimin me titull “Kërkohet ish-zyrtar shqiptar në lidhje me mashtrimin në Call Center” .
Gazetaret e rrjetit investigativ vendosin te shpalosin aty gjithçka qe i kishte shokuar në mungesën e kooperimit nga autoritetet shqiptare qe i shmangnin pyetjet e tyre.
Artikulli lë te kuptojë se Amqant Josifi gëzonte një mbrojtje “nga lart”. Ja shkrimi i plotë i rrjetit investigativ ndërkombëtar OCCRP:
“Spanja ka lëshuar një urdhër arresti për një ish-zyrtar të lartë qeveritar në Shqipëri, i ekspozuar nga rrjeti ynë i gazetareve investigative si pronar i një qendre telefonike që dyshohet se mashtronte viktimat në mbarë botën duke i drejtuar në investime të rreme.
Amant Josifi, një ish-këshilltar i Ministrisë së Mbrojtjes së Shqipërisë me lidhje të ngushta biznesi me vëllain e kryeministrit Edi Rama, akuzohet për mashtrim dhe anëtarësim në një organizatë kriminale, sipas burimeve pranë hetimit të policisë në Spanjë.
Nuk dihet vendndodhja e Josifit. Josifi, i cili ka mohuar në të kaluarën se qendra e tij kishte ndonjë lidhje me mashtrimin, u largua nga puna e tij në qeverinë shqiptare menjëherë pasi u publikua historia e tij e mashtrimit nga rrjeti ynë investigativ OCCRP.
Nëna e Amant Josipit, Pranvera Strakosha, ka një pozitë të spikatur në Shqipëri si kryesuese e një organi që mbikëqyr shërbimin civil shqiptar. Edhe ajo nuk mund të arrihet për te na dhënë një koment.
Në një seri të koordinuar bastisjesh në të gjithë Evropën më 8 dhe 9 nëntor 2022, policia nga shumë vende – duke përfshirë Gjermaninë dhe Spanjën, ku jetonin shumë viktima – arrestuan të paktën katër persona dhe mbyllën 15 qendra telefonike në Shqipëri, Bullgari, Gjeorgji, Maqedoninë e Veriut. , dhe Ukrainë. Dy nga partnerët e biznesit të Josifit në Shqipëri, Bernardo Saraçaj dhe Erindi Pysqyli, u arrestuan dhe do të ekstradohen në Spanjë. Më 10 nëntor, policia shqiptare dhe prokurorët e krimit të organizuar mbajtën një konferencë për shtyp duke shpallur suksesin e operacionit, por nuk përmendën emrin e Amant Josifit.
Autoritetet shqiptare refuzuan gjithashtu t’u përgjigjen pyetjeve të shumta nga rrjeti ynë investigativ OCCRP, duke thënë se ishte e pamundur të jepeshin detaje për njerëzit e kërkuar në lidhje me call-centerat , sepse ishte një “sekret hetimor”.
Vetëm pasi një gazetar i rrjetit tone bëri tre kërkesa, njërën në Prokurorinë e Posaçme shqiptare kundër Korrupsionit dhe Krimit të Organizuar (SPAK) dhe dy në polici, atëherë prokurorët shqiptare lëshuan një deklaratë ku konfirmonin se Spanja kishte lëshuar një urdhër arresti për Amant Josifin.
Prokuroret shqiptare konfirmuar se Shqipëria nuk kishte lëshuar urdhër arresti , por shtuan: “Përderisa një shtetas shqiptar kërkohet ndërkombëtarisht nga autoritetet e huaja, ai person kërkohet patjetër në Shqipëri”.
Policia shqiptare nuk iu përgjigj pyetjeve tona të OCCRP-së se çfarë po bëhet për gjurmimin e Amant Josifit.
Sali Berisha, i cili është lideri kryesor i opozitës në Shqipëri, bëri thirrje për një hetim nëse qendrat e thirrjeve të Josifit ishin mbrojtur nga kryeministri dhe vëllai i tij, Olsi, i cili më parë ishte bashkëpronar i një firme telemarketing me Josifin. Rrjeti i mashtrimit të qendrave të thirrjeve “është një grabitje monstruoze e qytetarëve europianë në Gjermani, në Spanjë”, tha Berisha gjatë një konference për shtyp më 18 nëntor. Pak ditë më vonë, kryeministri shqiptar Rama mohoi çdo lidhje me Josifin – edhe pse nuk e përmendi me emër – dhe këmbënguli se qeveria nuk po e mbronte nga ndjekja penale.
“Sa i përket personit për të cilin po flasim, nëse shteti do ta kishte mbrojtur, ai nuk do të kërkohej sot”, u tha ai gazetarëve.
“Sa i përket emrit të vëllait tim, i cili është përmendur në lidhje me këtë rast, kjo është pjesë e thashethemenajave në gropëzën tonë politike”, shtoi ai.
Nga Dubai në Spanjë pa kaluar nga Shqipëria
Në artikullin e mësipërm, momenti me interesant është kur prokuroret shqiptarë konfirmojnë se nuk kishin lëshuar urdhër arresti ndërkombëtar për Josifin edhe pse e pranojnë rrezikshmërinë e tij të lartë meqenëse kërkohet ndërkombëtarisht.
Është interesante po ashtu një tjetër fakt. Disa muaj nga publikimi i këtij shkrimi të rrjetit investigativ ndërkombtare kundra korrupsionit dhe krimit te organizuar, Drejtuesi i SPAK – ut, Altin Dumani e përgatiti opinionin publik shqiptar me një deklaratë të pazakonte se mos të presin nga Spak-u që të kërkojë kriminelet që fshihen në Dubai, sepse gjoja Dubai nuk ia dorëzon jo vetëm Shqipërisë, por as dhe vendeve të BE-së.
Por ja që mjaftoi një kërkese e Spanjës , dhe Dubai e dorëzoi pa problem Amant Josifin.
Atëherë a gënjeu apo mbuloi dike, Altin Dumani kur u prononcua kështu ne fillim te qershorit 2023 :
“Prokuroria e Posaçme ka transmetuar pranë Ministrisë së Drejtësisë katër kërkesa për ekstradimin e shtetasve shqiptarë nga Emiratet e Bashkuara Arabe, të cilat janë akoma në proces shqyrtimi nga autoritetet arabe. Ekstradimi nga Emiratet e Bashkuara Arabe nuk është një problem vetëm për Shqipërinë, por edhe për gjithë vendet e tjera të Bashkimit Evropian dhe më gjerë. Unë e kam adresuar këtë problem në raport, ju takon autoriteteve të tjera për ta ndjekur në vijim.”
Drejtuesi i Spak-ut u thotë shqiptareve se pret nga vete qeveria Rama që të bëje presion mbi Dubain që ky vend te dorëzojë persona që rezultojnë të lidhur me qeverinë e Ramës apo me të afërm te Ramës.
Sa gjatë do kishim pritur po mos të kish ndërhyrë vetë Spanja që të behet drejtësi. A do të jetë ndonjëherë eficent SPAK vetë pasi gjithë peshqit e mëdhenj që kapen në Shqipëri janë fryt i këmbënguljes së shërbimeve të huaja.
Një pyetje e fundit për SPAK: A ka dijeni ku ndodhet Ahmetaj apo pret që dhe atë ta gjejë qeveria Rama…
