Kancelarja gjermane, Angela Merkel, nuk do të marrë pjesë në një takim ballë për ballë në SH.B.A me udhëheqësit e ekonomive më të mëdha të botës nëse Donald Trump vendos ta mbajë mbledhjen, nëse kursi i përhapjes së koronavirusit nuk ndryshon deri atëherë, tha zyra e saj.
Pas anulimit të samitit të G7, i planifikuar fillimisht nga 10 deri në 12 qershor në Camp David, Trump tha një javë më parë se po mendonte për mbajtjen e një takimi të liderëve botërorë sepse do të ishte një “shenjë e shkëlqyeshme për të gjithë” se gjërat po kthehen në normalitet gjatë pandemisë.
Menjëherë pas këtij njoftimi, Merkel sugjeroi që ajo ende nuk e kishte ndarë mendjen nëse do të merrte pjesë personalisht ose me video konferencë, por zyra e saj i tha të shtunën agjencisë së lajmeve DPA se ajo e kishte marrë një vendim.
“Deri më sot, duke pasur parasysh situatën e përgjithshme të pandemisë, ajo nuk mund të angazhohet dhe të marrë pjesë personalisht,” tha zyra e saj. Shtoi se kancelaria do të vazhdojë të monitorojë situatën e koronavirusit në rast se gjërat do të ndryshojnë. The Guardian
