Kledi Çyrbja, autori i plagosjes së 30-vjeçarit, Saimir Bega ditën e sotme në Shijak është vendosur në pranga nga policia.
Sipas policisë, 18-vjeçari Çyrbja ka plagosur Began për motive të dobëta me armë zjarri të llojit pistoletë. Bega ndodhet në spital jashtë rrezikut për jetën.
Ngjarja ndodhi mesditën e sotme në Shijak, kur shërbimet e policisë kanë marrë njoftimin për të shtëna. Uniformat blu kanë identifikuar autorin i cili është larguar pas plagosjes.
Policia ngriti pika kontrolli, duke kryer vëzhgimet e nevojshme në zonë dhe në ambiente të ndryshme ku dyshohej se mund të ishte fshehur 18-vjeçari, derisa arriti ta prangosë pasditen e sotme.
“Në vijim të informacionit të dhënë mesditën e sotme, për plagosjen me armë zjarri të një 30-vjeçari gjatë një konflikti për motive të dobëta, është vënë në pranga autori i dyshuar i ngjarjes, shtetasi K. Ç., 18 vjeç”, thuhet në njoftimin e policisë.
