Është mbledhur sot Këshilli Kombëtar ku po zgjedh drejtuesit e tij të rinj si dhe anëtarët e Kryesisë së Partisë Demokratike. Kryetare e Këshillit Kombëtar do të jetë Arta Sakja. Ky ka qenë vendimi i parë që morën sot demokratët në mbledhjen e Këshillit, që nisi pak më parë. Sakja do të zëvendësojë Edi Palokën, i cili u shkarkua nga kjo detyrë më 12 dhjetor me vendim të mbledhjes së Kryesisë, pasi mori pjesë në Kuvendin e 11 dhjetorit të thirrur nga ish-kryeministri Sali Berisha.
Zbardhen porositë e Lulzim Bashës në mbledhjen e Këshilli Kombëtar.
“Nga nesër secili duhet të jetë prezent në terren me demokratët duke filluar nga unë. Nisim punën për hartimin e rregullores së punës për funksionimin e aleancës me qytetarët dhe rikthimi i komitetit të orientimit të politikave (KOP) në PD.” ka thënë Basha.
Propozimet e Bashës:
Arta Sakja kryetare e Këshillit Kombëtar
Sekretari për Çështjet Zgjedhore Indrit Sefa
Sekretar për pushtetin Vendor Roland Bejko
Sekretar për Diasporën Kreshnik Çollaku
Sekretar Organizativ, Flamur Hoxha
Propozimi për anëtarë të kryesisë: Elidon Bushati, Gazmend Koduzi, Xhemal Gjunkshi, Agron Kapllanaj dhe Xhelal Mziu
Të shkarkuarit:
Kryetar i Këshillit Kombëtar: Edi Paloka
Anëtarë të kryesisë:
Flamur Noka
Aldo Bumçi
Gent Strazimiri
Albana Vokshi
Oerd Bylybashi
Si dhe sekretarët:
Ervin Minarolli
Ivi Kaso
Belind Kelliçi
Ledina Mandia
